ጓድ ጌታቸው ረዳ የትግራይ ሴንተራል ኮማንድ አባል ትናንት ከድምፂ ወያነ ትግራይ ጋር ካደረገው ቆይታ በጥቂቱ የተወሰደውን እነሆ:-

 ጠላት የመጨረሻ የሞት የሽረት ብሎ ባደረገው እንቅስቃሴ የአካል ጉዳተኛና የአዕምሮ ህመምተኛ የሚመስሉ ከንግግራቸው ግምት ውስጥ አስገብተሽ ስታይ፤ የቀድሞ የጦር መኮንኖች፣ ዘፋኞች፣ ዳንሰኞችና ሁሉንም ዓይነት ሰው እያሰባሰበ በትግራይ ህዝብ ላይ የታወጀው የዘር ማጥፋት ዘመቻ የመጨረሻ ቅርፅ ለማስያዝ እንቅስቃሴ ሲያደርግ አይተናል፡፡
 የእነዚህ ሰዎች ጩኸት ወታደራዊ በሆነው መስክ ላይ የለወጠው ነገር ባይኖርም፤ ጠላት በተለይ ወደ ትግራይ ያቀርቡኛል ብሎ ያሰባቸው አካባቢዎችን ለማጥቃት ያደረጋቸው እንቅስቃሴዎች ነበሩ።
 እነዚህ እንቅስቃሴዎች መገደብ ነበረባቸው ብቻ ሳይሆን ደብረብርሃን አካባቢ ያለው ሃይልም ሆነ ሌላ አካባቢ ወታደራዊ ጠቀሜታ በወቅቱ ስላልነበረው ያልነካናቸው አካባቢዎች ነበሩ፡፡
 እነዚህ ወታደራዊ ጠቀሜታ የላቸውም ያልናቸው አካባቢዎች ጭምር ሁሉም ወጮፎም፤ ጓንዴም፤ ገጀራም የተሸከመ ሃይል በማሰባሰብ የግርግር ማዕከላት ለማድረግ መንቀሳቀስ የጀመረበት ሁኔታ ነበር፡፡
 ስለዚህ ይሄንን መልክ የማስያዝ ሰራዊታችን ሙሉ ትኩረቱ ጠላት በመደምሰስ ላይ ትኩረት እንዲያደርግ ነው።
 ትግራይ በአንድም በሌላ መልኩ ጥይት እንዳይተኮስባት ለማድረግ የሚያስችሉ እንቅስቃሴዎችንም ሰራዊታችን በተሟላ መልኩ እርምጃ እንዲወስድበት ከተፈለገ ፊት ያለው እንቅስቃሴ በተረጋጋና በሰከነ መንፈስ መቀጠል መቻል አለበት። ይህንን ለማድረግ የሚያስችል አጠቃላይ ቦታ ማስተካከያ ነው ያደረግነው ፡፡
 ሌሎች ከታክቲካል አንፃር እነዚህ ነገሮች አሉ ኦፕሬሽናል ከሆኑ አንፃር የተወሰዱ እርምጃዎች አሉ።
 ዋናው ጦርነታችን አሁንም የትግራይ ህዝብ ህልውና በአሰተማማኝ ሁኔታ ማረጋገጥ እስከሆነ ድረስ ይህንን በአንድ ወይም በሌላ መልኩ ሊሸራርፉ የሚችሉ የትኩረት አቅጣጫችን የሚያዛቡ ነገሮች እነሱን መልክ ማስያዝ ስላለብን ወደኋላ ለመመለስ የሚያስችል ውሳኔ ወስነናል።
 ያ ውሳኔ ከስትራቴጂካል ጠቀሜታዎች አንፃር አስፈላጊ መሆኑ ስለታመነበት የጀመርነው ወታደራዊ እንቅስቃሴ ወደ ተሻለ ደረጃ ለማድረስ የሚችል ብቃትም አቅምም ስለሚፈጥርልን ያንን ግምት ውስጥ አስገብተን የወሰነው ነው፡፡
 የአብይ ጀነራሎች በተደጋጋሚ ሞክረው በአስር ሺዎች ነው የሚያስበሉት፤ በየውጊያው ሁሉም ሰራዊት አስፈጀተውታል።
 አሁን ከምንገጥማቸው በምርኮም፣ ከሞቱት ከማናገኛቸው የጠላት መረጃዎች በአስር ሺዎች ነው የሚያልቀው። ከዛ የ2014 ዓ/ም ምልምል አንዳንዱ አንድ ወር አንዳንዱ ሶስት ቀን የሰለጠነ አለ። ጠብመንጃ ያለውም፤ የሌለውም አለ።
 ስለዚህ ይህንን አስፈጅተው ለፎቶ የሚሆን ድል የሚመስል ነገር ከተገኘ የሚል እንቅስቃሴ አለ፡፡
 ጦርነቱ የሞት የሽረት ነው ተብሎ ስለታመነ ጠላት አድርሰንበት ባለው ከፍተኛ የመዳከም ሁኔታ ሁኖ ጭምር የመጨረሻው ጦርነት ደም አፋሳሽ ለማድረግ የመጨረሻው ስራ እየሰራ ነው፤ ይሉኝታ ምናምን ቀርቶ ሽበት ያበቀሉ ሰዎች ሳይቀሩ እየወጡ ባልሆነ መንገድ የትግራይ ህዝብ መጨፍጨፍ እንዳለባቸው በአደባባይ እየሰበኩ ያሉበት ሁኔታ ነው ያለው፡፡
 የአብይ ዘመቻ ድራማ የለውጠው ነገር አለ ብየ አላምንም። የለወጠው በእኛ በኩል ከእንቅስቃሴያችን አንፃር ምንድንነው? በሁሉም አከባቢዎች ትግራይን በቅርብ ርቀት ለማጥቃት ያስችለኛል ብሎ ያሰባቸው አከባቢዎች በተለያየ ዓይነት የሰው ቁጥር በተለያየ ዓይነት ጠብመንጃ አድርጎ የሚሞክራችው እንቅስቃሴዎች ነበሩ እነሱን አክሽፈናል፡፡
 እነሱን ብቻ ሳይሆን ደብረብርሃን አከባቢ የተከማቸ ሰራዊት ካለ ደብረ ብርሃን ታጠቃለህ፤ ደብረታቦር የተከማቸ ጠላት ካለም ደብረታቦር ታጠፋዋለህ።
 እዚህ ላይ ጠላት ለማጥፋት ብምናደርገው እንቅስቃሴ “እዚህ ቦታ ካልሆነ ብለን የምንሟጎትብት እሰከ መጨረሻው አንገታችን ለሰይፍ እንሰጣለን!” የምንልበት ጂኦግራፊ የለም፡፡ እስከመጨረሻ አንግታችን የምንሰጥለት ጂኦግራፊ የትግራይ ግዛት ነው፤ ለዛ ሲባል ማንኛውም ዓይነት መስዋዕትነት እንክፍላለን!
 ሁሉንም አከባቢዎች ስንወጣ ሁሉም አከባቢዎች ላይ በውጊያ እንዳልወጣን የአከባቢው ህዝብ ያውቃል የሚታዘበን ህዝብ ነው።
 አብይ ፎቶ የተነሰባቸው አጋጣሚዎች አሉ። ፎቶ የመነሳት አባዜ አለበት። ከዛ በዘለለ እኛ መድረስ አለብን ብለን ያስቀመጠንበት ቦታ አለ በሙሉ አቅማችን መሰበር ያለበት መስበር መቻል አለብን፤ ያንን ለማድረግ የሚያስችለን ዓቅምም ይዘናል፡፡
 በኮምቦልቻና ከሜሴ ማኸል ከዓፈር በኩል በጣም ጉዙፍ ሃይል በማስገባት የሰራዊታችን እንቅስቃሴ ለመግታት ሞክሮ ነበረ። አንድ ዕዝ ሙሉ ጨፍልቀን ነው ወደ አሰብንበት ቦታ የተመልስነው፡፡
 ስለዚህ ለአብይ ለፎቶ ለመነሳት የሚሆኑ ከተሞች አግኝቶ ሊሆን ይችላል። ሰራዊቱ ከመበተንና ከመደምሰስ ውጪ “ይህንን አርገናል” የሚያስብል ሞራል የለውም፡፡
 ዋናው ነገር የትግራይ ህዝብ ህልውና በአስተማማኝ ለማረጋገጥ የሚያስችል ማንኛውም ስራ እንሰራለን።
 ከማንኛውም ዓይነት ቦታ ጠላት በትግራይ ውስጥ የሚተኮስ ጥይት መኖር የለበትም! በርግጥ እስካሁን ድረስ ነፃ ያልወጣ የትግራይ አካባቢ አለ፤ ይህንንም በምናደርገው እንቅስቃሴ ነፃ መውጣቱ አይቀርም፤ የሚያጠራጥር ነገር የለውም፡፡

ትግራይ ታሸንፋለች!

መትከል ሚድያ http://www.metkeedia.com

Share.

Leave A Reply